N/ kryetari i PD-së, Luçiano Boçi dhe deputeti Bujar Leskaj kanë komentuar ndryshimet në qeverinë “Rama 3”.
Ish-deputeti thotë se “Rama me qeverisjen e tij është bërë si ajo gruaja në moshë, e cila sa herë vjen periudha e plazhit, për dhjamosjen, fishkjen, rrudhat nga vitet, nga abuzimet, nga moskujdesjet, nga babëzia, ia vë fajin rrobave të plazhit.
Për këtë arsye i ndryshon çdo korrik. E tani nga pamja tangë e dikurshme, i vesh me trup me ngjyra të ndezura, me lajle e lule. Thënë popullorçe, Rama në kongresin e narko-rilindjes, ndërroi thjesht vetëm brekët.
Gjithçka tjetër është po aty: vjedhjet, korrupsioni, aferat, trafiqet, lavatriçet, abuzimet, babëzia, arroganca, arbitrariteti. Këto janë themeli që duhet shembur” tha ai.
Për Leskajn, me atë që ndodhi në Kongresin e PS-se, u pa qartë se nuk ka më një parti socialiste. “Ka vetëm një sulltan në krye të sektit në qeverisje. Sekti ka autokratin Rama, i cili emëron qehajaj të rinj në çifligun e vet kur dhe si i do qejfi.
Një Kongres ku nuk u dëgjua një kritikë e vetme. Ku nuk u bë një bilanc i vetëm i ministrive të cilave po u ndërrohen drejtuesit” shkruan ai.
