Akoma pa nisur zyrtarisht Lojërat Olimpike “Paris 2024”, është regjistruar rasti i parë me doping. Një xhudist nga Iraku rezultoi pozitiv për dy steroide anabolike. Diçka e tillë u raportua nga Agjencia Ndërkombëtare e Testimit.
Sajjad Sehen, një 28 vjeçar që merr pjesë në Lojërat Olimpike për herë të parë, rezultoi pozitiv për metandienone dhe boldenone, njërën prej të cilave e ka marrë këtë të martë në Paris, teksa sfidën e parë e kishte të martën e ardhshme.
Sehen është pezulluar përkohësisht, ndërsa kjo çështje disiplinore po ndiqet penalisht, tha ITA, e cila mbikëqyr programin anti-doping gjatë lojërave olimpike.
“Kjo do të thotë që atleti nuk lejohet të garojë, të stërvitet, ose të marrë pjesë në ndonjë aktivitet gjatë Lojëra Olimpike”, tha vetë agjencia.
Sehen duhej të garonte në kategorinë 81 kilogramë për meshkuj, duke filluar nga e marta në raundin e 32-të kundër një kundërshtari nga Uzbekistani.
