Deputeti i PS, Eduart Shalsi dhe deputeti i PD, Gazment Bardhi kanë pasur një përplasje mes tyre në Kuvend.
Kryetari i Grupit të Partisë Demokratike Gazment Bardhi ka kërkuar që të futet në rend dite raportimi i kreut të Lartë të Shtetit.
Sipas Bardhit duhet të mblidhte komisioni i Ekonomisë dhe të futet në rendin e ditës raportimi i kreut të KLSH, pasi nuk ka ndodhur asnjëherë që mos të bëhet raportimi i KLSH-së. Sipas Bardhit në komisionin e Ekonomisë u përpoq që të intimidohej kreu i KLSH-së.
Pjesë nga debati:
Shalsi: Këtij nuk mund t’i thuash as grup. Shpresoj që zoti Bardhi të jetë i iluminuar për nënkomisionin që u miratua, pasi një anëtar dha dorëheqjen, pasi kishim rënë dakord.
Z. Bardhi duhet t’i kërkojë ndjesë partnerëve ndërkombëtarë që kanë ndihmuar me ekspertizën e tyre. Po çke mo burrë? Të lashë të flisje. Sa zakon të keq e ke këtë që nuk duroni dot. Bëre një konstatim, por më lër të mbaroj. Të paaftë për t’u ballafaquar me argumente. Të paktën të merreni vesh me njëri-tjetrin.
Do të kishit kuptuar që në komisionin e Ekonomisë dhe Financave, një zonjë me emrin Mimoza Dhëmbi, që ka ndryshuar 16 ministra, drejtoresha e Buxhetit, për të cilën KLSH ka kërkuar shkarkim nga detyra.
Është precedent i ri. Skandali i Onkologjikut është ende pa përgjigje, nëse ka kallëzim për këtë çështje. S’kemi përgjigje nga KLSH. Po ua përsëris; nuk ka nevojë KLSH për avokatinë tuaj.
Bardhi: Nuk merremi me raste individuale, për shkak punonjësish, me gjithë respektim që mund të kemi për zonjën në fjalë. Për të dhënë rekomandime për raste individuale. Kjo që u tha është gënjeshtër. Komisioni i Ekonomisë ka propozuar draft rezolutën për KLSH.
Secili koleg mund ti bëjë çfarë do lloj pyetje për kryetarin e KLSH. Është e papranueshme që i vetmi institucion lihet pa raportuar, është KLSH. Komisioni i Ekonomisë do të duhet të shqyrtojë këtë gjë, dhe pse është propozuar shkarkimi i një nëpunëse të shtetit.
Zonja Nikolla e kam me ju dhe jo me zotin Shalsi, ndaj fusni raportimin e kryetarit të KLSH dhe miratimin e rezolutës përkatëse.
