Colin Orlando Balla, djali i gazetarit dhe moderatorit të njohur Sokol Balla, feston sot 19 vjetorin e lindjes. Përmes një mesazhi publik në llogarinë e tij, Sokoli i dedikon disa rreshta të ndjerë e me plot krenari, për birin e vetëm që tashmë është rritur dhe ka ndërtuar botën e tij.
“Sot ka ditelindjen Colin. Ai eshte djali im i vetem dhe shoku im me i mire. Njeriu me i kendshem, me i zgjuar dhe solar i planetit. Lider i shokeve te vet, nga e gjithe bota, qe i trajton me kujdes dhe si vellazeri. Njeriu qe jep por dhe merr shume dashuri nga te gjithe”, shkruan ai.
Tanimë një djalë i rritur, Colin do të ndjekë rrugën e universitetit dhe i ati thotë se është një 19 vjeçar me këmbë në tokë dhe buzëqeshje të pandarë nga fytyra e tij e bukur e burrërore.
“Nje 19 vjecar qe eshte shume krenar qe eshte Shqiptar dhe nuk ngurron ta thote kete, me zerin e tij te larte si buri ????, ne shqip dhe anglisht, edhe aty ku shume burra nuk guxojne as te hapin gojen. Colin, ka ngritur ne 19 vjet, boten e tij te bukur, ku te gjithe jane personazhe pozitive, ku degjohet vetem muzika e perzgjedhur nga shija e tij fine. Sot, kur per te hapet bota e Universitetit, ai ecen me kembe ne toke dhe buzeqeshjen e pandare nga fytyra e tij e bukur dhe e burreruar”, vijon mesazhi.
Sokol Balla është baba i tre fëmijëve, dy vajzave dhe një djali, ndaj thotë se Colin është djali i tij i vetëm. Tashmë që është rritur e burrëruar, edhe shoku i tij më i mirë.
“Por per mua do mbetet “alieni” i mrekullueshem qe erdhi ne jeten time ne 20 korrik, ne te njejten dite kur Njerezimi shkeli ne Hene dhe une u bera baba i Colin Orlando Balles. Djalit, shokut dhe dashurise sime te pare prinderore. Te dua babo. Dhe njeqind korrike te tjere”, përmbyll ai urimin për të birin.
