Ditën e djeshme në Amarinthos të Evias në Greqi një 23 vjeçar shqiptar i diagnostikuar me autizëm ka ndërruar jetë.
Ai është gjetur pa ndjenja brenda një makine ku kishte qëndruar për orë të tëra nën temperatura të larta.
Prindërit e shqiptarit Petrit dhe Vezire Elezi 56 dhe 48 vjec nga Durrësi, kanë gjetur brenda automjetit të tyre, të lënë të parkuar dhe të pasiguruar jashtë banesës, djalin e tyre Skerdi Elezi 23 vjeç, i cili ishte pa ndjenja.
Ai është transportuar në spital rreth orës 12L00 dhe në orën 23:37 minuta ka ndërruar jetë.
Në orët e para të mëngjesit të sotëm, policia greke ka arrestuar dy prindërit me akuzën se kanë lënë të pafuqishëm djalin e tyre, i cili vuante nga një çrregullim neuropsikologjik, konkretisht autizëm – prapambetje mendore, me pasojë vdekjen.
Gjithashtu është urdhëruar kryerja e autopsisë së viktimës.
