Trajneri Sylvinho zyrtarisht nuk është më në drejtimin e kombëtares shqiuptare, pasi i ka skaduar kontrata. Kjo javë pritej të ishte vendimtare për rinovimin, por braziliani dhe drejtuesit e federatës shqiptare nuk kanë në axhendë të takohen.
Nga sot, më 9 korrik, kombëtarja shqiptare e futbollit është zyrtarisht pa trajner. Sylvinho-s i ka skaduar kontrata dhe mgjithëse është thënë shumë herë se do rinovonte ende mungon e zeza mbi të bardhë. Madje kjo tani ka pak gjasa që të ndodhë.
Për herë të fundit Sylvinho ishte në Shqipëri më 25 qershor, pas eliminimit të kombëtares në Evropian. Atë ditë braziliani u shpreh se do diskutonte rinovimin pas pushimeve, që ai po i kryen në Portugali ku ka edhe familjen. Megjithëse kjo pritej të ishte java vendimtare gjasat janë të mëdha që mos të ketë të reja. Kjo në një kohë kur edhe presidenti i federatës shqiptare, njëkohësisht zëvendës presidenti i UEFA-s Armando Duka ndodhet në Gjermani për kampionatin Evropian.
