20 banorë të bashkisë Bulqizë janë paraqitur në spital për ndihmë pasi kanë pasur simptoma helmimi.
Një nga dyshimet është se mund të jenë helmuar nga uji i pijshëm, prandaj ka nisur dhe marrja e analizave të ujit të pijshëm por nuk përjashtohen as pista të tjera.
‘Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi.
Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.
Në përfundim të hetimeve, do të ketë informacion më të detajuar.’, thuhet në njoftimin e policisë.
