Greqia ka rënë dakort për ekstradimin në Shqipëri të Laert Haxhiu, i dënuar me burgim të përjetshëm. Autoritet shqiptare janë në pritje ditën e sotme të mbërritjes së tij në vendin tonë. Megjithatë është një proces që po koordinohet me palën greke per orarin e sjelljes se tij.
Haxhiu akuzohet për atë qe njihet si Masakra e Lushnjës e ndodhur në shtator te 2017. Ne atë ngjarje humben jetën Jurgen Hoxha dhe Zamir Latifi.
Sipas hetimeve, objektiv i ekzekutimit ishte nipit i Aldo Bares, Xhulio Shkurti, si hakmarrje ndaj historikut të konflikteve midis familjeve të Xhulio Shkurtit dhe Laert Haxhiut.
Laert Haxhiu gjithashtu akuzohet nga drejtësia shqiptare se bashkë me disa persona të tjerë, është autor i 18 krimeve në Shqipëri, përfshi 4 vrasje dhe disa shpërthime me tritol.
Ngjarjen u zbardhën nga njeriu i afërt i 31-vjeçarit i cili u kthye në një të penduar të drejtësisë.
