Franca është bërë skuadra e radhës çerekfinaliste e Euro 2024 teksa ka mposhtur me rezultatin 1-0 Belgjikën.
Në “Merkur-Spiel Arena” të Duseldorf, pavarësisht një loje të dominuar nga djemtë e teknikut Didier Deschamps goli i vetëm i sfidës erdhi në minutën e 84-t.
Një aksion perfekt i “Gjelave” është finalizuar më së miri nga “ylli” i PSG, Randal Kolo Muani, i cili shfrytëzon më së miri një pasim të Antoine Griezmann, duke e dërguar topin në rrjetën e Casteels falë edhe devijimit të topit nga ana e mbrojtësit Vertonghen.
Nënkampionët e botës sigurojnë kështu çerekfinalen e Euro 2024, ku përballë tyre, në sfidën e 5 korrikut, do të jetë fituesi i çiftit, Portugali-Slloveni.
