Anglia ka fituar 2 me 1 përballë Sllovakisë. Fitore me mundim nga “Tre Luanët”, që ishin të eleminuar deri në minutën e 95’.
Sllovakia udhëhoqi me golin e Schranz në minutën e 25, para se Bellingham të barazonte gjithçka në minutën e 95. Me fillimin e “extra-time”, Kane shënoi golin e përmbysjes.
Anglia shpëtoi kështu nga turpërimi, teksa Sllovakia “qan” humbjen. Djemtë e drejtuar nga Southgate do gjejnë Zvicrën në çerekfinale.
Ky takim mbahet në Dyseldorf. Më 6 korrik, një prej Zvicrës dhe Anglisë do të kalojë si gjysmëfinalist në Euro 2024.
