Europiani i surprizave vijon të dhurojë çudira. Së fundmi, ndeshja në Signal Iduna Park mes Gjermanisë dhe Danimarkës është ndërperë. Ka qenë arbitri anglez, Oliver që mori një vendim të tillë, për shkak të kushteve atmosferike jo të duhura. Më saktësisht, Oliver është trembur nga stuhia dhe rrufetë e mundshme, duke dërguar skuadrat në dhomat e zhveshjes.
Në bazë të asaj çfarë shkruan rregullorja në raste të tilla, duhet të merret vendimi final për rifillimin apo jo të ndeshjes. Ndërkohë, tifozët vijojnë të jenë në shkallët e stadiumit, duke i rezistuar këtij moti, vetëm e vetëm për të ndjekur nga afër skuadrën e zemrës.
