Të dhënat nga Censi zbulojnë se në Shqipëri ka 356,204 banesa të pabanuara ose 32.9% e totalit, pasi nga numërimi ka rezultuar se vetëm 726.325 banesa ishin të banuara.
Sipas këtyre të dhënave rreth 40% e apartamenteve në Shqipëri nuk kishin banorë.
“Shkalla e banesave të zakonshme të pabanuara varionte nga 24,3 përqind për banesat pjesërisht të veçuara në 39,4 përqind për banesat në pallate, shtëpitë individuale dhe ato në rend tarracor ishin përkatësisht secila 29,2 dhe 29,8 përqind”, thuhet në raportin e CENS.
Gjithashtu tregohet se ka një stok të madh apartamentesh të pashitura dhe se çmimet e tyre kanë arritur majat.
Një tjetër e dhënë që vjen është që shqiptarët jetojnë në banesa të vogla dhe të mbipopulluara, pasi 47.1% e tyre janë me madhësi 40-69 metër katror, ndjekur nga 23.7% me sipërfaqe banimi 70-99 metër katror.
