Detaje të reja bëhen me dije nga ngjarja e rëndë në Dhërmi, ku mbeti i vrarë 31-vjeçari Eraldo Nevruzi..
Trupi i tij i pajetë u gjet ditën e sotme pas kërkimeve të shumta, pranë fshatit Vuno.
Ndërkohë, veç pronarit të hotelit, Geraldo Shehu, policia arrestoi dhe dy punonjësit, Daniel Qose dhe David Larti.
Ata kanë treguar se Geraldo Shehu e ka vrarë Erald Nevruzin te shkallët e hotelit, pas një konflikti me njëri-tjetrin.
“Na ka bërtitur me tone të larta për të marrë qeset dhe e kemi futur trupin në bagazh por më pas nuk dimë gjë”, janë shprehur dy punonjësit.
Eraldo Nevruzi u vra mesnatën e të mërkurës, në Dhërmi, rreth orës 00:30. Ai ishte vetëm një javë që kishte nisur punën në Hotelin Greçia në Dhërmi, ku Gerald Shehu ishte një prej bashkëpronarëve, së bashku me vjehrrin e tij. Shehu e ka qëlluar me armë zjarri 31-vjeçarin, pasi ai kishte marrë turnin dhe pasi ka zhdukur trupin.
