Një nga autorët e djegies së gjashtë automjeteve në biznesin e makinave me qira në Kamëz është arrestuar nga policia. Ai është Amarildo Saliu. Ai ishte në “arrest shtëpie” dhe në momentin që zjarrvënia ka ndodhur nuk ka qenë në banesë, të cilën e ka pranë vendit të ngjarjes.
Saliut i është sekuestruar celulari, por të gjitha materialet i ka fshirë. Si autorë të zjarrvënies dyshohet se janë tre persona, ndërsa po punohet ende për zbardhjen e ngjarjes.
Biznesi ishte hapur para 6 ditësh dhe është në pronësi të Edjon Hoxhës. Ky i fundit në deklaratën e tij për policinë është shprehur se nuk ka asnjë problem dhe konflikte me ndonjë njeri, apo biznes tjetër.
Gjithashtu sot në Tiranë është arrestuar një 19-vjeçar për pengmarrje, por që nuk jepen detaje të tjera, por edhe dy të tjerë në një tjetër ngjarje për plagosjen e një 50-vjeçari në rrugën “Sali Butka”.
