Opozita bllokon foltoren e Parlamentit, ndërpritet seanca 5 minuta. Kryetarja e Kuvendit Lindita Nikolla ka rrëzuar që në nisje dy kërkesat e grupit të Sali Berishës. E para ishte kërkesa e Gazment Bardhit për mocion me debat për emisionin e RAI 3 për Shqipërinë.
https://www.facebook.com/plugins/video.php?height=314&href=https%3A%2F%2Fwww.facebook.com%2Fkuvendishqiperise%2Fvideos%2F429809743273179%2F&show_text=false&width=560&t=0
Së dyti u rrëzua kërkesa për të futur Sali Berishën në grupin e PD-së. Ish-kryeministri u pezullua nga Lulzim Basha në shtator 2021 në nisje të legjislaturës pasi u shpall non grata.
Në grupin parlamentar u futën më parë disa deputetë të përjashtuar, por interpretimi për Berishën është i ndryshëm nga Nikolla.
“Ju detyron rregullorja të njoftoni që Berisha është pjesë e grupit, ca keni ju me vendimet e grupit të PD. Është përgjegjësia jonë të pranojmë në grup ose jo. Ku e gjeni ju të drejtën të merrni vendime të tilla” tha Edmond Spaho.
Jashtë Parlamentit po bëhen gati protestuesit, të cilët kanë mbledhur edhe goma.
