TIRANË- Zbardhen përgjime të tjera nga dosja e Prokurorisë së Tiranës, që çoi në pranga dhe në masa sigurie 8 punonjës të policisë kufitare në Rinas. Zbulimi i skemës korruptive është bërë pas arrestimit të shtetasit Eneo Sulejmani, për kokainë në Tiranë, dhe më pas është bërë e mundur kqyrja e celularit të tij. Në bashkëpunim me punonjësit e policisë së Rinasit, bëhej e mundur kalimi dhe i fëmijëve pa prokurën e njërit prej prindërve.
Sipas detajeve nga dosja e prokurorisë, nga kqyrja e komunikimit në aplikacionin Signal mes Eneo Sulejmanajt dhe punonjësit të policisë, Briken Tereziu, këmbehen të dhëna për kalimin e rreth 200 personave në mënyrë të paligjshme.
Në një rast të përmendur në dosje, Eneo Sulejmanaj dhe Briken Terziu flasin në aplikacionin Signal për kalimin e një nëne me tre fëmijë të mitur, të cilët nuk kanë prokurë nga i ati. Siç thuhet edhe në dosje, ditën që kanë dalë jashtë vendit nëna me fëmijët, babai ndodhej jashtë territorit të Shqipërisë.
PJESË NGA DOSJA
Nga kqyrja e komunikimit telefonik në aplikacionin signal, rezulton se më datë 16.10.2023, nga ora 10:18 AM – 06:18PM, shtetasi Eneo Sulejmanaj komunikon me punonjësin e policisë Briken Tereziu e konkretisht
Eneo: Mgjes vlla
Briken: Mirmgjes
Eneo: Kemi at grun me femijet per Catania dhe I cun per malta
Briken: Ok mi nis.
Eneo: I dërgon pasaportën e shtetasve A.A, A. S, Xh. S, M. S, A. S. dhe Sh. S.. Ky eshte burri. Ky I fundit. * i dërgon pasaportën e shtetasit D. D. Ky eshte per malta
Briken: I tak une apo ti
Eneo: I tak une, bashk takohemi ndark
Briken: Ok vlla. Te nr 8.
Eneo: Te them kur tjem aty se do jem dhe un po qekan blloku rruget
Briken: Ok
Në orën 11:21 dhe ne orën 11:24 zhvillohen dy biseda telefonike midis shtetasit Eneo Sulejmanaj dhe punonjësit të policisë Briken Tereziu ne aplikacionin Signal
Eneo: I pe vlla
Briken: Ca bone vlla. Jam ktu ke sptali amerak 2. Po pate per tme taku sonte qe most e vish deri ne vore
Eneo: Si je vlla jam ne kombinat se po mbyll nja 2 pune tbej tel vlla pa merak. Po ashtu do tdergoj nai cun der atje
Briken: Ok shife vete mos e vrit menjen
Nga kqyrja në sistemin TIMS rezulton se shtetasi A. S (nëna e fëmijëve) është përpunuar në dalje të territorit të RSH më datë 16.10.2023 ora 11:26 nga punonjësi i policisë me username në TIMS TereziuB, në tejkalim të ditëve të qëndrimit.
Nga kqyrja në sistemin TIMS rezulton se shtetasi A.S është përpunuar në dalje të territorit të RSH më datë 16.10.2023 ora 11:27 nga punonjësi i policisë me username në TIMS TereziuB
Nga kqyrja në sistemin TIMS rezulton se shtetasi Xh. S është përpunuar në dalje të territorit të RSH më datë 16.10.2023 ora 11:36 nga punonjësi i policisë me username në TIMS DriniA
Nga kqyrja në sistemin TIMS rezulton se shtetasi M. S është përpunuar në dalje të territorit të RSH më datë 16.10.2023 ora 11:37 nga punonjësi i policisë me username në TIMS DriniA
Nga kqyrja në sistemin TIMS rezulton se shtetasi A.S është përpunuar në dalje të territorit të RSH më datë 16.10.2023 ora 11:37 nga punonjësi i policisë me username në TIMS DriniA
Nga kqyrja e sistemit TIMS rezulton se shtetasi Shkëlqim Selimi(babai i shtetasve te mitur) më datë 16.10.2023 rezulton jashte territorit te RSH.
PJESË NGA PËRGJIMET
Eneo: Mgjes vlla si je. A u lodhe. Je ne pune sot
Briken: Mire vlla. Si je ti.
Eneo: Mire vlla ja sa dolem nga shpia
Briken: Te puna jam
Eneo: (I dërgon pasasportën e shtetasit Arbri A.). Tirane Bari Barcelone. Po 2 vula ka me I faqe. Po munde veja 1 tjeter super. Shife vet
Briken: Ok. Te katra thuaj
Eneo: Rrofsh vlla. Po ngjiten vlla. Eshte dhe I tjeter, ai smka dhen gje
Briken: Ma jep emrin
Eneo: (I dërgon pasaportën e shtetasit Qato K.). O vlla ma shef dot nje rob a ka ardh ne shqiperi
Briken: Ok ma nis
Eneo: I dërgon pasasportën e shtetasit Aurel K.
Nga kqyrja në sistemin TIMS rezulton se shtetasi Arbri A. është përpunuar në dalje të territorit të RSH më datë 30.05.2023 ora 10:32 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen si dhe dyshohet që për shmangien e problematikave në shtetin destinacion udhëtimi, i janë vendosur vula fiktive në pasaporte.
Nga kqyrja në sistemin TIMS rezulton se shtetasi Qato K.është përpunuar në dalje të territorit të Shqipërisë më datë 30.05.2023 ora 10:33 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen.
Nga kqyrja në sistemin TIMS rezulton se shtetasi Aurel K. (për të cilin shtetasi Eneo Sulejmanaj interesohej nëse ishte kthyer në Shqipëri), rezulton i përpunuar në dalje të territorit të RSH më datë 13.05.2023 ora 14:09 nga punonjësi i policisë me username në TIMS mesitim, në tejkalim të ditëve të qëndrimit dhe nuk ishte kthyer në Shqipëri.
Eneo: O vlla ca ben si je. A mu lodhe
Briken: Si je mire
Eneo: Mire vlla. Kemi i cunin e shokut ton. E kemi nis dhe her tjtr
Briken: Ca ka
Eneo: (I dërgon pasaportën e shtetasit Klensid D.). Si ka mush 18 akoma
Briken: Te them per pak
Eneo: Ok vlla. Me thuaj vlla
Nga kqyrja në sistemin TIMS rezulton se shtetasi Klensid D. është përpunuar në dalje të territorit të Shqipërisë më datë 05.06.2023 ora 15:44 nga punonjësi i policisë me username në TIMS TereziuB.
Më datë 21.12.2023, ora 09:18 është përpunuar përsëri nga punonjësi i policisë me username në TIMS TereziuB. Shtetasi Klensid D.dtl. 27.05.2006, nuk ka mbushur moshën 18 vjeç dhe është lejuar të udhëtojë pa prokurën e prindërve.
Briken: Ca thon punet. Mire po lodh shume
Eneo: Merzit m shume se pun ka pas
Briken: Spo na lejne me mar frym shume rob
Eneo: Me 12 orarsh besoj
Briken: Po po deri nga mesi shtatorit kshu do vazhdoje
Eneo: Po fillojn po ka kerkes per kta qe kan ardh. Se spo ikin dot
Briken: Pse spo ikin
Eneo: Po si lejn anej nga vlora nga durrsi
Briken: Vlora eshte problem
Eneo: Po vlla e di po do vijn ti nisim ktej. E di qe ti kam vpnu ato. Ma bej hallall
Briken: Shikoje vete vlla skam ca te them. Thjesht me te kujtu
Eneo: Po s harroj une vlla vetem jam qen cik ngusht
Briken: Shife vete mos e vrit menjen edhe kshu copa copa se bashk nuk bohen kollaj
Eneo: Ok vlla se do ti myllim kto dite
