Analistja Anduena Llabani, goditjen me leva hekuri ndaj Sokol Mëngjesi, e sheh të lidhur me përfshirjen e avokatit në një skemë mashtrimi, bazuar në pretendimin e palës tjetër.
“Avokati Sokol Mëngjesi është pjesë e një skeme mashtrimi ndaj dhe është goditur.
Në studion e MCN Live, Llabani tha se pa u agravuar situata dhe pa ngritur pikëpyetjen për shëndetin e avokatit ka mësuar dhe iu sqarua se çështja nuk ishte politike, por se nëpërmjet falsifikimit avokati Mëngjesi ka bashkëpunuar me një personazh tjetër të njohur në media, Arben Rreli.
Sipas tij, referuar një sage dosjesh të prokurorisë dhe gjykatave, Arben Rreli figuron personazh me aktivitet të theksuar falsifikimi me çështjen e pronave.
Sokol Mëngjesi është avokati i Arben Rrelit. Deri më tani ne kemi parë vetëm majën e ajsbergut.
Personi më tha se avokati Mëngjesi bashkë me Arben Rrelin kanë tentuar të më falsifikojnë firmat dhe të më marrin pronën.
Ndaj Sokol Mëngjesit ka pasur mesazhe me kërcënime në telefonin e tij, drejtuar me mesazhe për tërheqje nga kjo gjë. Jo çdo gjë që shihet aty duhet marrë e mirëqenë.
Ndaj zotit Mëngjesi një dhunë e tillë nuk ka qenë rastësore, nuk ka lidhje vetëm me kërcënimet nëpërmjet telefonit apo verbale.
Nuk ka qenë konflikti i parë, ka pasur dhe gjëra më të rënda se aq. Nuk bëhet fjalë vetëm për 30% që duhet të merrte avokati Mëngjesi nga kontrata e pronës.
Porositësi është Dritan Nano, që është 58 vjeç. Ndërsa personat që kanë ushtruar dhunën janë shumë të rinj, më e madhi 31 vjeç.
Ai ka dashur t’i japë një mesazh zotit Mëngjesi dhe janë futur këta të rinjtë që janë potencialisht të fizikshëm. Ata rrezikojnë burgim të përjetshëm.
Nëse do ketë vullnet të mirë nga ana e policisë dhe prokurorisë për ta thelluar këtë gjë, do zbardhet gjithçka.
Unë njoh avokatë që rrihen një herë në muaj nga palët, jo vetëm psikologjikisht dhe fizikisht. Por kjo tregon se dhe avokatët përfshihen në afera, futen në deviacione të proceseve.
Shpesh avokatët ndërrojnë numrat e telefonit, për shkak të konflikteve. Po flasim për prona në mes të parkut kombëtar të Liqenit.
Dimë që kur dikush të pajton si avokat, duhet të shkosh në interesat e tij dhe jo së kundërti.
Fakti që është një dhunë e tillë justifikon edhe veprimin nga ana e juristit.
Mëngjesi është ndër avokatët më pa zë në sensin e urtësisë që ai përfaqëson, një prej zëvendës dekanëve në Fakultetin e Drejtësisë.
Ka një CV shumë të mirë, i papërmendur më parë në lajme negative. Po flasim për një profil shumë të ulët të zotit Mëngjesi i cili kohëve të fundit operonte nëpërmjet studios së tij ligjore.
Edhe kryebashkiaku Erion Veliaj ka prova dhe pamje filmike që Arben Rreli e ka shantazhuar.
Unë kam një letër me shkrim të shkruar nga njëri nga personazhet në fjalë, pjesë e grupit që rrahën, autorët e ngjarjes. Letër e shkruar me dorë për të më shpjeguar rolin e avokatit.
Avokati Sokol Mëngjesi është avokati i Arben Rrelit të dy bashkë kanë falsifikuar dokumente për të përvetësuar prona.
I cili pretendon se avokati është bërë pjesë e një skeme bashkë me personazhin që po flasim të mbushur me falsifikime dhe përvetësime të falsifikuara dhe me një personazh kontingjent penal, i përfshirë në falsifikime dokumentacionesh dhe pronash.
Katër janë në arrati dhe njëri është arrestuar. Këta që janë në kërkim kanë dhe mbështetje policie, se janë të fuqishëm.
Nuk janë pa njeri mbas, kanë lidhje deri në kupolën e policisë.
Kjo është vetëm maja e ajsbergut dhe zoti Mëngjesi me dëshminë e tij pasi të dalë nga gjendja ku ndodhet, do zbardhë shumë mbi gjithë sa ka ndodhur.
Një prej autorëve i vetëdorëzuari në polici ka pranuar se ne shkuam për t’i dhënë një mesazh, tregon se si pala e dëmtuar dhe avokati dhe personat që kërkojnë pronat e tyre e kanë bërë të ditur dinamikën dhe arsyen.
Askush nuk e mendonte se situata do të precipitonte deri në humbjen e jetës së avokatit.
Autori nuk e ka menduar se do shkonte kaq keq, por ka pranuar se me grushtet ndaj Mëngjesit kanë tentuar të japin një mesazh, deri aty sa jeta e tij është në rrezik.
