Një sasi prej afro 250 kilogramësh lëndë narkotike, e llojit kokainë, është sekuestruar në orët e para të mëngjësit të sotëm në portin e Pireut në Greqi. Mësohet se kokaina ka qenë e paketuar në në arka me karkaleca me port tranzit Pireun.
Sipas raportimit të mediave greke, destinacioni i drogës ishte Shqipëria, ndërkohë që në pranga janë vënë dy shqiptarë dhe dy grekë.
Autoritetet greke ishin njoftuar prej shërbimeve amerikane për sasinë kokainës në kontejner, dhe më pas kanë ushtruar kontrollin ku kanë gjetur edhe drogë.
Në vitin 2017 policia greke zbuloi 635.000 pilula Captagon me vlerë shitje rreth 10 milionë euro si dhe armë. Në operacionin e atëhershëm u arrestuan 2 shqiptarë, 1 turk dhe 1 grek dhe u shpallën në kërkim 1 turk, 1 ish-polic grek dhe shtetasi shqiptar i cili u arrestua sot për kokainën në Pire.
