Mesditën e sotme një punëtor humbi jetën në Shëngjin. Viktima është 60-vjecari Preng Gjoni. Ngjarja ndodhi në një godinë në ndërtim në zonën e Kunes.
Punëtori u transportua në spital nga një person i panjohur i cili e la në derën e urgjencës dhe u largua. Nga spitali theksuan se punëtori mbërriti pa shenja jete.
Ky është rasti i dytë me vdekje që ndodh në Shëngjin gjatë kësaj jave. Të enjten humbi jetën Emiljano Frroku, 28 vjeç i cili punonte në të zezë.
Policia ka shpallur në kërkim pronarin e kompanisë që ndërtonte pallatin.
