Shumica socialiste dhe opozita në Komisionin hetimor për të dhënat TIMS, miratuan planin hetimor të ekspertes së Partisë Socialiste, Vjosa Bodo si dhe listën e dëshmitarëve që do thirren
Plan hetimor parashikon marrjen në pyetje në komision të disa dëshmitarëve por në të nuk përfshihen emrat e kryeministrit Edi Rama dhe ish-ministrit të Brendshëm Bledar Çuçi, të propozuar më herët nga deputetët e opozitës
Megjithatë në komision pritet të dëshmojnë ministri Taulant Balla, ish-drejtori Ardi Veliu dhe emra të tjerë.
Por çudia më e madhe është se, në listën e dëshmitarëve që duhen pyetur sipas Planit të PS dhe ekspertes së percaktuar nga mazhoranca, për skandalin e ndërhyrjes në sistemin TIMS, do jetë edhe AKU (Autoriteti Kombëtar I Ushqimit) Inspektoriati Shendetesor dhe Doganat. Autoriteti Kombëtar i Ushqimit merret me cilësinë e ushqimeve për njerëz e kafshë, me cilësinë e mishit të derrit, sallameve etj.
Nuk dihet çfare ka patur parasysh PS dhe ekspertja ligjore Vjosa Bodo, kur kanë kërkuar të pyeten këto Institucione sepse sistemi TIMS ( Total Information Management System) nuk shërben vetëm për kontrollin e pasaportave dhe hyrje daljeve të shtetasve shqiptar dhe të juaj, por është një sistem që ka çdo informacion kriminal brenda tij.
Ka databazën e pasaportave, që kur kanë dalë pasaportat, e deri tani. Ka databazën e personave në kërkim, shenjat e gishtave, dosjet kriminale, listën e personave me precedent kriminal etj. TIMS është një sistem inteligjent që merr copëza informacioni dhe i përpunon vetë.
Ajo që dihet qartë është që ushqimet e njerëzve dhe kafshëve, cilësia e mishit të derrit, sallameve etj. do jenë në fokus të hetimit të Komisionit Hetimor për Skandalin e ndërhyrjes në sistemin TIMS. Ku i dihet edhe delet e derrat mund të jenë me dosje kriminale që TIMS ka regjistruar. Por këtë do e shohim nga ekspertiza socialiste.
