Agjencia italiane e lajmeve ANSA shkruan se është shtyrë hapja e qendrave të emigrantëve që ishte planifikuar të ndodhte më parë më 20 maj. Inxhinieri ushtarak italian që punon në kantieret e Shëngjinit dhe Gjaderit tha nuk kanë përfunduar ende ngritjen e objekteve.
Marrëveshja e promovuar nga qeveria e Ramës dhe Melonit dhe e kontestuar ashpër nga opozita shqiptare dhe ajo italiane, parashikon se në territorin shqiptar do të ndërtohen struktura për të akomoduar azilkërkuesit që kanë mbërritur në bregdetin italian ose janë shpëtuar në det.
