TIRANË-Përveç kartës fizike të identitetit, qytetarëve shqiptarë do t’u krijohet mundësia që të pajisen edhe me letërnjoftim digjital. Sapo është nxjerrë për konsultim publik projektligji për disa ndryshime në letërnjoftimin elektronik, i cili parashikon pajisjen me kartë identiteti digjitale, me qëllim përmirësimin dhe standardizimin e mënyrave të identifikimit të qytetarëve në ambientin digjital. WebLajm ka siguruar dokumentin e qeverisë shqiptare e cila parashikon që shumë shpejt shqiptarët të kenë pasaporta dhe letërnjoftime digjitale pa patur nevojë t’i kenë si deri më tani.
Sipas relacionit shoqërues, qëllimi i projektligjit është përmirësimi i mënyrave të identifikimit të qytetarëve. Ky projektligj është në përputhje me ligjet e Bashkimit Europian, që në vitin 2024 zbatoi një rregullore të re për identitetin digjital. Me këtë projektligj, Shqipëria synon të parafrojë kuadrin ligjor me BE-në, në një kohë që vendi ka hapur negociatat dhe po njehson ligjet.
PROJEKTLIGJI
PROJEKTLIGJI
Projektligj është propozim i Ministrisë së Brendshme dhe Identitek. Sa i përket shpenzimeve të projektligjit, në relacionin shoqërues thuhet se efektet financiare do të parashikohen në vendimin e Këshillit të Ministrave.
