Po zhvillohet para Bashkisë së Tiranës protesta e katërt, ku opozita kërkon sërish dorëheqjen e Erion Veliajt nga detyra pas skandalit të korrupsionit me dosjen “5D”. Në protestën e thirrur nga Aleanca për Mbrojtjen e Teatrit marrin pjesë këshilltarë bashkiakë të opozitës si dhe deputetë nga Rithemelimi e Partia e Lirisë.
Dera kryesore e bashkisë së Tiranës është rrethuar me barriera hekuri dhe një kordon policie është stacionuar për të penguar protestuesit që të mësyjnë në ambientet e brendshme të këtij institucioni të qeverisjes vendore.
