Vazhdon të jetë në vëmendje vdekja e të riut shqiptar, Leonard Farruku në qendrat e emigrantëve në Britani.
Sipas dëshmisë së një ish-pashtrueseje në anijen ku Farruku kreu vetëvrasje, stafi i “Bibby Stockholm” po bënte shaka me vdekjen e të riut.
Ish-pastruesja Levana tha se se shumica e punëtorëve po talleshin duke thënë “një gojë më pak myslimane për të ushqyer”.
“Shakaja e neveritshme, brenda një jave pas vdekjes së zotit Farruku, ishte klima e përgjithshme e shumë punëtorëve atje. Unë po filloja të mendoja: pse t’i vendosim këta njerëz që kanë këto pikëpamje dhe paragjykime në krye të kujdesit për qindra burra që kanë ardhur këtu për strehë të sigurt?”, është shprehur Levana, shkruan BBC.
Levana ka marrë masë disiplinore nga eprorët e saj është shkarkuar nga puna, me arsyetimin se ka biseduar me refugjatët e strehuar aty.
“Më thanë se po më jepnin një paralajmërim verbal sepse nuk duhet të jem miqësor me përdoruesit e shërbimit në këtë mënyrë. Pas kësaj kam punuar edhe një turn të rezervuar dhe më pas nuk më është ofruar më punë. Disa migrantë përshkruan se ndiheshin sikur ishin “në burg”, ka treguar ajo.
Ndërkohë Zyra e Brendshme në Britani ka thënë se nuk i njeh këto pretendime të bëra në raportin e hetimit.
