Gjykata e Tiranës ka vendosur ditën e sotme pezullimin e ankandit për shitjen e aksioneve të klubit të Tiranës që doli në treg nga përmbaruesi Baftjar Nela.
66% te aksioneve te Tiranës dolën në ankand pasi Halili sh.p.k i detyrohet kreditorit Abedin Treza një shifër prej 1.5 milionë euro, plus bonuse edhe përqindjet gjatë këtyre viteve, duke qenë se vendimi në fjalë në favor te kreditorit është marrë në 2019.
Të hënën dështoi shitja e aksioneve të klubit Tirana nga një kompani përmbarimi, e cila ka bllokuar kuotat në pronësi të Halili “shpk”. Ashtu siç ishte lajmëruar nga kompania përmbarimore, ankandi është mbyllur dje pasdite.
