Janë dorëzuar në gjykatë provat kundër dosjes penale ‘Metamorfoza’, për të cilën SPAK ka marrë të pandehur 10 persona.
Mes emrave të vënë nën akuzë, është Drejtuesi i prokurorisë së Kukësit, Xhevahir Lita, Drejtuesi i Operacionales në Policinë e Shtetit, Oltian Bistri, biznesmeni i lojrave të fatit Pëllumb Gjoka, dhe kreu i klanit “Bajri” në Shkodër, Behar Bajri.
Ndërsa pjesë e të pandehurve, është dhe vrasësi me pagesë, Nuredin Dumani.
Në këtë dosje “Dumani” akuzohet për “Sigurim të kushteve për të kryer vrasjen” e Dorian Dulit dhe Admir Tafilaj, kryer në formën e “Grupit të strukturuar kriminal”.
Ai ka shfaqur pendesë duke treguar gjithçka rreth marëdhënies kontraktuale që ka pasur me Bajrat për të kryer vrasjen e Dulit, Tafilajt dhe Ibrahim Licit.
Si i pandehur është marrë gjithashtu dhe ish.zv/ drejtori i Policisë së Shkodrës, Ardit Hasanbegaj.
Në këtë çështje SPAK rradhit plot 234 prova hetimore, duke përfshirë dhe një seri dëshmitarë, si ish-drejtuesi i komunës Velipojë, Nikoll Marku, e deri tek deklarimet e dy gjyqtarëve të Shkodrës, Besmir Struka dhe Sokol Shehu.
Stroka dhe Shehu, janë dy gjyqtarët që kanë trajtuar rastin e parë të Behar Bajrit në Shkodër, për sa i përket shpalljes sëmoskopetencës nga Gjykata e Shkodrës në atë të SPAK.
PERSONA TË PANDEHUR
Nuredin Dumani – Bashkëpunëtori i Prokurorisë SPAK
Ardrit Hasanbegaj – Ish-zv/drejtori i Policisë Shkodër
Oltian Bistri – Drejtori i Operacionales në polici
Xhevahir Lita – Drejtuesi i {rokurorisë së Kukësit
Astmet Bilali – Anëtar i grupit të Behar Bajrit
Edmond Preka – Shoferi personal i Pëllumb Gjokës
Pëllumb Gjoka – Biznesmeni i lojërave të fatit
Behar Bajri – Drejtuesi i klanit Bajri në Shkodër
Nehat Fojleta – Anëtar i klanit “Bajri”
Sabjan Troshani – Anëtar i klanit “Bajri”.
PERSONAT NË KËRKIM PËR TË CILËT ËSHTË NDARË HETIMI
Bardhyl Mavraj – Vëllai i Behar Bajrit
Arsad Bashli – Anëtar i klanit “Bajri”
Denis Brajoviç – Anëtar i klanit “Bajri”
Klaudio Haka Anëtar i klanit “Bajri”
Prekë Kodra – Anëtar i klanit “Bajri”
Aleks Ndreka – Anëtar i klanit “Bajri.
