Erling Haaland u kryqëzua pas ndeshjes mes Real Madrid dhe Manchester City e cila u mbyll 3-3 në Bernabeu.
Sulmuesi norvegjez u la totalisht në hije nga Rudiger që nuk i dha asnjë mundësi për gjatë gjithë 90 minutave.
Rrjeti shpërtheu kundër tij me komente të tipit, “E futi Rudiger në xhep” apo “Duket si amator”.Kritikave iu dhanë zë edhe dy legjenda të futbollit, ish-sulmuesi i Los Blancos, Raphael Van der Vaart dhe ish-kapiteni i Man United, Roy Keane.
“Erling Haaland ishte shumë keq. Nëse nuk shënon, është i pavlefshëm. Më duket si një lojtar mesatar kur ka topin në këmbë”, tha hollandezi.
Kritikat e ish-sulmuesit i shoqëroi edhe legjenda e Manchester United, Roy Keane i cili u shpreh se përgjithësisht Haaland duket si futbollist i kategorisë së dytë angleze.
“Niveli i lojës së tij në përgjithësi është shumë i varfër, jo vetëm sot. Sa i përket cilësisë para porte ai është më i miri në botë. Një lojtar i tillë duhet të përmirësojë ndjeshëm lojën e tij”, tha Keane në Sky Sports.
