TIRANË- Vendimi i vëllait të madh, për t’i dhënë një mundësi të dytë Eglës nuk është pritur mirë nga një pjesë e banorëve, me në krye Julin. Gjatë një bisede në orët e para të mëngjesit në oborr, Juli është shprehur se falja që po i bëhet Eglës, nuk i frenon veprimet e saj të dhunshme.
Por kjo deklaratë e Julit duket se ka shqetësuar produksionin, duke i bërë thirrje që të kenë kujdes me mikrofonin, që përkthehet që duhet të kenë kujdes në atë që shprehin.
“Mos e skualifiko atëherë, kam përshtypjen që kjo gjëja, mund të mos i parandalojë veprimet e dhunshme më mbrapa. Ti po e sheh që nuk të ndodh gjë, ti thua bëje ti, dhe mund ta hash ti. Logjika e do kështu, nëse ata vijnë dhe kanë kaluar nominime me atë sjellje, me një sjellje tjetër dalin për një javë. Pastaj ajo përndjekja, a ishte vepër penale… çfarë pune ka publiku që të vendosë për një vepër penale që e vendos gjykata”, tha Juli o mbështetur dhe nga Erjola. Ndërsa produksioni pasi iu tha që të kishin kujdes me mikrofonat, e thirri Julin në dhomën e rrëfimit.
https://www.tiktok.com/embed/v2/7353456415073242400?lang=en-GB&referrer=https%3A%2F%2Fzeri.ai%2Fqyteterim%2Fvd-fare-pune-ka-publiku-doli-kunder-produksionit-per-rikthimin-e-egles-i197526
Mbrëmjen e djeshme, Vëllai i Madh vendosi që të mbajë të izoluar deri të shtunën 3 banorët që u përfshinë në konflikt mes tyre, Meritonin, Ilnisën dhe Eglën. Njëri prej tyre, që do të jetë më pak i votuari, do të largohet të shtunën përfundimisht nga gara.
