Ka shkuar në 7 numri i të vdekurve nga tërmeti në Tajvan, ndërsa mbi 700 të tjerë raportohen të plagosur. Sipas informacioneve, 77 persona kanë mbetur të bllokuar nën rrënoja.
Sipas Qendrës Sizmiologjike të vendosur në Taipei, lëkundja sizmike mund të cilësohet si një ndër më të fuqishmet në 25 vitet e fundit. Dhjetëra ndërtesa janë shembur në kontenë Hualien, aty ku ndodhet dhe epiqendra e tërmetit.
Sipas raportimeve, lëkundjet kanë qenë shumë të forta dhe kanë zgjatur për disa sekonda. Në Japoni, në shumë aeroporte, mes të cilëve dhe ai në Okinaua kanë pezulluar përkohësisht fluturimet, si masë paraprake.
