Një tjetër aksident rrugor ka ndodhur ditën e sotme, ku si pasojë ka marrë lëndime trupore një 60-vjeçar.
Ngjarja ka ndodhur në qytetin e Fierit, ku dy makina janë përplasur me njëra tjetrën. Mësohet se një 24-vjeçar ka humbur kontrollin e mjetit të tij dhe si pasojë ka goditur një tjetër makinë, ku ka mbetur i lënduar 60-vjeçari.
I lënduari është dërguar në spital dhe sipas mjekëve ndodhet jashtë rrezikut për jetën. Grupi hetimor po punon për sqarimin e plotë të rrethanave të aksidentit.
