Shkroi: Jane Doe
Hamshori i Peqinit po luan gurët e fundit në lojën më të rrezikshme që ka parë ndonjëherë historia e televizioneve shqiptare.
RTSH ka kaluar në vite me dhjetëra drejtorë; punonjësit e tij të përulur kanë mbijetuar me drejtues nga më ekzotikët, por asnjëri nuk ka ndeshur një specie kaq të rrezikshme sa Kapteri i Peqinit.
Është e paprecedent që një person me dije minimale dhe me diapazon aspak të admirueshëm të drejtojë një rrjet publik, që u takon shqiptarëve, taksapaguesve të cilët edhe në këtë rast mjaftohen me komente portalesh, pasi në këtë vend, sovrani mbetet pa zë.
Është e paprecedent që një drejtor institucioni i cili mburret me faktin që babai i tij nuk e ka përkëdhelur kurrë, të drejtojë një media publike, duke shkarkuar frustrimin e tij mbi 1000 e ca punonjës.
Është e paprecedent që një pseudo-shkrimtar, pseudo-prind, pseudo-lider, pseudo-burrë të vihet në krye të medias më të madhe në vend dhe të zgjidhet unanimisht me 9 vota PRO nga një këshill drejtues ku mes protezave dhe jargëve të moshës së tretë lëngojnë dhe disa pseudo-gra, vota PRO e të cilave duhet të na shqetësojë më shumë sesa prostata që ka kapluar një organ që nuk ka oksigjen.
Është e paprecedent që në krye të një njësie ai ajo e programeve, drejtuar dikur nga burra të nderuar dhe nga profesionistë që kanë bërë historinë e televizionit shqiptar, sot të qëndrojë në një tavolinë tepër të madhe për trajtën e saj një femër e palëçitur, një konkubinë e besuar e mbretit, besnike deri në vdekje si Penelopa ishte ndaj Odisesë.
Krahasimi vjen ndoshta pak i ekzagjeruar, sepse Penelopa ishte mbretëresha e Itakës, teksa kjo, Xhanija e nënës, një parodi e qenies njerëzore deri në mosbesim, është e mbijetuara e fundit e “heroit” tonë Odise, i cili, të përbashkët me Odisenë, ka vetëm fjalën “aventurë”.
Është e paprecedent që punonjësit e këtij instucioni të kontrollohen e monitorohen nga ky personazh mistik, që nuk ka as minimumin e kulturës civile për të njohur kodet e komunikimit (mos t’i hyjmë pjesës profesionale, pasi do të ishte vlerësim i madh për Penelopën).
Është e paprecedent që kjo dyshe qorre ka që në qershor 2023 që ka ngulur shpatën në atë godinë të vazhdojë të helmojë një komunitet të tërë gazetarësh, redaktorësh, teknikësh e punonjësish që me paga qesharake mbajnë familjet e tyre me bukë. Është e paprecedent që asnjë nuk çohet të flasë e të revoltohet për këtë qenie mediokre njerëzore që sillet si në pronën e vet.
Por le të prezantohemi z. PEZA! Unë jam Jane Doe, një nga gratë që ti ke hequr nga puna me metodat e tua prej parvenu-je. Më shkatërrove jetën, profesionin, karrierën. Më ke fyer inteligjencën, më bëre të humb edhe shpresën e fundit që kisha se ky vend mund të bëhej. Unë jam një nga ato dhjetëra gra që ti u prishe familjen, u hoqe dëshirën dhe vokacionin për punë.
Kush e paguan dëmin financiar dhe moral që u ke shkaktuar grave që përcolle në shtëpi me shkresa dhe formulime nga më absurdet? Si do i dalësh përpara vajzës tënde, e cila nuk ka asnjë faj për fatin e të pasurit një prind si ty? Kush do të rehabilitojë qindra të shkarkuar për dëmin psikologjik e moral? Nuk po them financiar, se me këtë duhet të merret drejtësia!
Alfred Peza… unë nuk të urrej, sepse nuk jam si TI. Por të kam lënë ZOTIN!
