Vijon debati në komisionin hetimor të Parlamentit për dy koncesione në shëndetësi, Check-up-it dhe Sterilizimit. Mbledhja ka nisur me debate mes Albana Vokshit dhe Plarent Ndrecës. Deputetja Ina Zhupa tha se Ndreca që është zv/ kryetari i komisionit është në konflikt interesi.
https://www.facebook.com/plugins/video.php?height=314&href=https%3A%2F%2Fwww.facebook.com%2Fkuvendishqiperise%2Fvideos%2F403694282420148%2F&show_text=false&width=560&t=0
Debati në komision
Albana Vokshi: Besoj që të gjithë anëtarët do të ngrihen në lartësinë e besimit që u kanë dhënë votuesit për të zbardhur dy prej aferave dhe skandaleve, në gjykimin, jo vetëm tonin, por edhe të mbarë opinionit dhe të gjitha prej organeve të asaj që ju e quani drejtësia e re.
Ky komision është ngritur pas një kërkese që ka ardhur nga deputetët e opozitës, aty sqarove kërkesën, një nga skandalet më të mëdha që po ndikon në jetën dhe shëndetin e qytetarëve. Jam shpresëplotë që do të zbardhim këto dy afera korruptive.
Ndërhyn Plarent Ndreca (zv/ kryetar i komisionit hetimor)
Albana Vokshi: Ju lutem, mos ndërhyni, sa të mbarojë Zhupa, ju lutem…
Ina Zhupa: Sipas KLSH-së janë 930 milionë Lekë për shërbime të pakryera në koncesionin e check-up-it dhe kjo është katërfishuar. Këto janë para të taksagauesve edhe socialistë edhe demokratë, familjarëve të mi dhe tuajët për të marrë shërbimet në shëndetësi.
Nuk ka cështje më kuptimplotë sesa votimi i parlamentit, që thotë se është miratuar komisioni hetimor për shëndetësinë. Besoj se ju nuk ju shpëton asnjë ditë apo gjysmë dite për zbardhjen e vendimit. Zoti Ndreca a ka konflikt interesi që ndodhet këtu? Për mua ka konflikt interesi, sepse ka qenë avokati i njërit prej të akuzuarve në koncesion.
Ndërhyn Plarent Ndreca (zv/ kryetar i komisionit hetimor)
Albana Vokshi: Ju lutem, mbylleni (i thotë Ndrecës). Vendimi është publik, me apo pa vulë, puna e këtij komisioni nuk ndalet. Do të propozoja që gjithsecili të firmosë një deklaratë që nuk ka konflikt interesi për cështjet që do të trajtohen apo dëshmitarëve që do të thirren. Tani fjalën e ka zoti Xhoxhi.
Ndërhyn Plarent Ndreca (zv/ kryetar i komisionit hetimor)
Albana Vokshi: Nuk e merrni fjalën pa ua dhënë unë….
Plarent Ndreca: E marr që çke me të…zonja kryetare mos u ktheni në…Dua t’ju kujtoj se ti je vetëm spikere…
Albana Vokshi: Unë jam kryetare e komisionit, nuk mund të devijoni nga e vërteta, lexojeni mirë. Zoti Ndreca e kuptoj detyrën e vështirë që u kanë dhënë….
Plarent Ndreca: Mos e vazhdoni këtu. Nëse vazhdoni kështu unë nuk marr pjesë në këto lloj komisionesh. Ju vijoni me argumente partiake, dilni me konkluzione pa vijuar puna me këto fjalime që na kanë ardhur në majë të hundës. Ne kemi ardhur për të vërtetën këtu dhe jo për të dëgjuar Rithemelimin në një mënyrë tjetër.
Unë ngrita një shqetësim; a duhet të vijojmë punën për një për konfliktin e interesit, do të ishte mirë të pyesnit nëse është në konflikt interesi; unë apo kryetarja e komisionit, që është kallëzuesja që ka krijuar bindjen?
Nëse kam konflikt nuk pres që të më thojë askush. Nëse do të ketë, pasi tani gjykoj se nuk ka, ata që janë objekt hetimi, nuk janë objekt i veprimtarisë së këtij komisioni. Unë nuk kam mbrojtur profesorin, që për etikë nuk po ia përmend emrin, e kam mbrojtur në një segment procedural që nuk ka lidhje me këtë komision. Lërini deklaratat politike.
