Moderatorja Roza Lati pati pasditen e kësaj të mërkure një përplasje të fortë me Meritonin, që degradoi në ofendime të rënda. Debati ndodhi në prani të banorëve, megjithatë edhe këtë mbrëmje moderatorja ka diskutuar me disa prej tyre duke përmendur Meritonin. Sipas saj, ai nuk do të ishte në lojë nëse nuk do të lidhej me Ilnisën, duke shtuar se i ka bërë mirë “llogaritë” me qëllim që të faktorizohet dhe të tërheqë vëmendjen e publikut.
“Erdhi Sara K e uli, hajde te krevati, hajde më rri ngjitur. Domethënë kështu impulse të vogla që Ilnisa shkonte te krevati ngjitur që e kemi parë ne dhe kemi qeshur, por e ka interesin shumë të lartë të Ilnisës ai se nuk është aq budalla. Ka ardhur në “Big Brother”, ai do të kapë finalen duke u mbajtur pas fustanit të Ilnisës”, tha Roza.
Kujtojmë se Roza është në nominim, bashkë me Françeskën, Ledjonën dhe Vesën. Nuk dihet nëse edhe ky debat do të sjellë një tjetër zarf të zi në shtëpi, për shkak të fjalorit të papërshtatshëm që është përdorur.
