Ish-kryeministri Sali Berisha denoncoi mbrëmjen e sotme një ngjarje në kufijtë e skandalit.
Nga dritarja e protestës që mbahet që prej 30 dhjetorit të vitit të kaluar se kryeministri Edi Rama i është lutur zyrtarit britanik që të mos na jepnin statusin e vendit kandidat për në BE Shqipërisë.
“Ju rikujtoj dhe njëherë se Edi Rama, atë vjeshtë bëri udhëtimin më të turpshëm të jetës së tij. Udhëtimin më të turpshëm që një kryeministër mund të bëjë.
Ai në atë kohë nuk kishte Ismailin, avionin e tij personal, por me British Airways, fluturoi në Londër.
Fluturoi në Londër dhe i kërkon ambasadorit shqiptar që t’i organizojë një takim jo me ministrin e Jashtëm, jo me zëvendëskryeministrin, jo me kryeministrin, por vetëm me drejtorin e Europës Juglindore.
Habi e madhe. Drejtori iu përgjigj ambasadorit: Unë në zyrë, protokolli nuk më lejon të pres një kryeministër. Por unë do vij në hotel ta takoj kryeministrin tuaj.
Erdhi në hotel, dhe cila ishte kërkesa e Edi Ramës? Kërkesa e Edi Ramës ishte një lutje për qeverinë britanike, që të mos miratonte statusin e kandidatit gjer në pranverë, në mënyrë që të mos dukej se ky status iu dha qeverisë së Sali Berishës.
Nga ajo ditë, të dashur miq, nga dhënia e statusit të kandidatit, integrimi në BE u bë një horizont i pakapshëm, një horizont që largohet gjithnjë e më shumë nga shqiptarët.” tha Berisha.
