TIRANE – Lajm I hidhur për Kombëtaren dhe trajnerin Sylvinho. Sulmuesi Myrto Uzuni është larguar nga grumbullimi I kuqezinjve për shkak të një dëmtimi të pësuar.
Uzuni u stërvit gjatë gjithë kohës në mënyrë të veçuar, por në fund nuk ia doli që të ishte gati për ndeshjet miqësore që Kombëtarja do të zhvillojë me Kilin (22 mars në Parma të Italisë)dhe me Suedinë (25 mars në Stokholm).
Sulmuesi kuqezi Myrto Uzuni do të kthehet në Spanjë, për t’u bashkuar me skuadrën e Granada-s gjatë orëve në vijim.
Gjithashtu ka një problem edhe për portierin Etrit Berisha që nuk është stërvitur këtë pasdite pasi ka një problem në muskulin e gjoksit. Vendin e tij e ka zënë përkohësisht Simon Simoni, pjesë e U-21.
Megjithatë pritet që lëndimi i Berishës të mos ndikojë në prezencën e tij ditën e premte. Të pakten tani për tani Sylvinho e llogarit pjesë të ndeshjes.
