Projekti për të investuar miliarda dollar në ishullin e Sazanit po shkon në përmasat e një skandali. Portali Timoni.al pas disa hulumtimeve ka arritur të siguroj disa të dhëna që të bëjnë të dyshosh se ky projekt i trumbetuar nga qeveria shqiptare si një investim gjigand mund të përfundoj në një ‘’flluskë sapuni”.
Edhe pse thuhet se sipërmarrës i projektit është dhëndri i Donald Trump që ka siguruar financime nga investitor arab, hulumtimet tregojnë se në skenë del emri i ish-agjentit të FBI Charles MCGonigal.
Po ku qendron lidhja e Mcgonigal me projektin e Sazanit?!- Mcgonigal rezulton shefi i sigurisë i rrjetit të hoteleve AMAN që do të menaxhoj dhe hotelet që pritet të ndërtohen në Sazan.
Ky fakt i rëndësishëm rrit dyshimet dhe hamendësimet se cili është investitori i vërtëtë në Sazan dhe pse duhet të shfaqet Mcgonigal në një projekt kaq të rëndësishëm.
Ja çfarë shkruan gazeta New York Post:
Charles McGonigal – ish-zyrtari i FBI-së, i cili është arrestuar dhe akuzuar nga autoritetet amerikane për lidhjet e tij me oligarkun rus Oleg Deripaska – thuhet se ka filluar të punojë për një tjetër miliarder me origjinë ruse vitin e kaluar, ka mësuar The Post.
Aman Resorts, një zinxhir hotelesh me pesë yje në pronësi të Vladislav Doronin – një manjat pronash i trajnuar për artet marciale i cili është quajtur “Përgjigja e Rusisë ndaj Donald Trump” – punësoi McGonigal në pranverën e vitit 2022 për një punë me dollarë të lartë si drejtor i siguria për 34 lokacionet e Amanit në mbarë botën, sipas burimeve me njohuri të drejtpërdrejta të situatës.
Në të vërtetë, burimet spekuluan se kur McGonigal u arrestua në Aeroportin e New Yorkut , ai po kthehej nga një udhëtim pune në Sri Lanka, ku Aman operon me një hotelet më të bukura.
Burimet thanë se McGonigal punoi për Aman nga Neë York City, ku kompania hapi pronën e saj të parë në gusht në Fifth Avenue dhe 57th Street në ish-ndërtesën e Croën, duke fituar shpejt reputacionin si prona më e shtrenjtë në Big Apple me tarifat e dhomave që fillojnë. me 2400 dollarë për natë.
Projekti i shumë i përfolur në ishullin e Sazanit duket se është një skemë e radhës e Edi Ramës për të blerë influencë politke në SHBA. Kryeministri i Shqipërisë Rama përdori ish-agjentin e FBI Charles McGonigal për të sulmuar opozitën ne vitin 2017. Poashtu flitet se Mcgonigal është një nga personat që ka punuar për shpallen e kreut të PD Sali Berisha non grata në SHBA.
Dhëndri i Trump fasadë/ A fshihet Shefqet Kastrati pas projektit të Sazanit?!
Ja çfatë thotë artikulli i “ The Neë York Times’’ lidhur me takimin Kushner Kastrati: “’Kushner dhe Grenell kanë bashkëpunuar ngushtë me një miliarder ekzekutiv biznesi shqiptar të quajtur Shefqet Kastrati dhe djalin e tij, Musa Kastrati.
Investimet e tyre përfshijnë një koncesion për të drejtuar aeroportin ndërkombëtar në Tiranë, një zinxhir pikash karburanti në Shqipëri dhe hotele dhe biznese të tjera, sipas bashkëpunëtorëve të biznesit dhe zotit Kushner.
“Ata na kanë ndihmuar të kuptojmë koston e ndërtimit dhe si të operojmë në nivel lokal”, tha zoti Kushner në një intervistë.
Në tetor 2022, Shefqet Kastrati bleu një shtëpi prej 7.5 milionë dollarësh në Indian Creek, Fla., tregojnë të dhënat e tokës, një pronë që është afër vendit ku jetojnë tani Trump dhe Kushner.
Familja Kastrati gjithashtu vitin e kaluar bleu një hotel në seksionin Brickell të Miami për 55 milionë dollarë nga familja mbretërore e Katarit.
Musa Kastrati, në një intervistë, tha se roli që kompania e tij familjare do të luante në projektet shqiptare të zotit Kushner nuk ishte ende i qartë, por ndoshta do të përfshinte ndihmën për ndërtimin e disa prej komplekseve.
Kastrati po ashtu konfirmoi se në dhjetor të vitit 2022 ka vizituar Mar-a-Lago, resortin dhe rezidencën e Trump në Florida, me Grenell dhe se gjithashtu ka takuar shkurtimisht Trump kur ish-presidenti mbërriti teksa po darkonin. Kastrati tha se nuk ka diskutuar për marrëveshjen e mundshme me Trump.
Grenell ka përdorur vazhdimisht Instagramin dhe llogari të tjera në rrjetet sociale për të promovuar turizmin në Shqipëri dhe për të lavdëruar zotin Rama, kryeministrin”-thuhet në artikull.
Pasi shohim këtë panoramë lindin disa pytje që kërkon përgjigje nga Edi Rama, Shefqet Kastrati dhe Kushner.
- A po e përdor Rama dhëndrin e Trupm si në Mc Gonigal duke i ofruar para dhe aksione biznesi në këmbim që të marr influence pushteti pranë familjes Trump?
- A e ka paguar Richard Grennell Edi Rama që të afrohet me dhëndrin e Trump?
- Pse ka dal në skenë një fond arab si në rasti e projektit të Durrësit, dhe a do ndërtohet projekti i Sazanit me paratë e oligarkëve shqiptarë?
- Pse Dhëndri i Trump takoi Shefqet Kastratin dhe cila është lidhja midis tyre?
- A po përdor Rama paratë e Shefqet Kastratit për të blerë dhëndrin e Trump për interest e veta politike?
- A është Shefqet Kastrati investitori i vërtetë në Sazan?
Këto pyetje që presin përgjigje të bëjnë të dyshosh fortë se në Sazan ka një projekt me shumë dritë-hije. Fakti që opozita shqiptare nuk ka folur se në mes është dhëndri i Trump por më shumë se përflitet emri i një biznesmeni shqiptar si Kastrati që paguan edhe nga opozita, e bën edhe më të mistërshëm anën se çfarë po luhet me projektin e Sazanit.
