ANGLI- Një shqiptar është vënë në prnaga nga autoritet angleze pasi u kap brenda një shtëpie bari në Swansea. Shqiptari Egzon Lusha u shpreh para autoritetve britanike se ai kishte norxhe ndaj bandave dhe u detyrohej atyre 18,000 £ për kalimin e tij në MB. Për të shlyer borxhet që kishtë bandat e përdorën atë për tu kujdesur për bimët e drogës.
Shqiptari u arrestua kur oficerët e policisë nga ekipi i krimit të organizuar të Sëansea bastisën shtëpinë ku ai punonte dhe jetonte. Ai u kap duke u përpjekur të fshihej në një dollap në pjesën e pasme të pronës. Më vonë Lusha i tha policisë se kishte hyrë në Mbretërinë e Bashkuar nga Franca në pjesën e pasme të një kamioni dhe se iu kishte një borxh prej 18 mijë £, njerëzve që e ndihmuan të futej kontrabandë.
Prokurori tha se sasi të konsiderueshme të pajisjeve të rritjes dhe kontejnerëve me lëndë ushqyese të bimëve u gjetën në pronë. Numri i madh i thasëve me dhe dhe materiali bimor i korrur në kopshtin e pasmë tregoi se kishte pasur “cikle të shumta rritjeje” në shtëpi. 179 bimë kanabisi u gjetën në shtëpi, rreth 87 prej të cilave u përshkruan si “bimë fidanishte”, dhe policia vlerësoi se rendimenti i mundshëm i të korrave mund të kishte vlerë deri në 78,000 £. Furnizimi me energji elektrike i shtëpisë ishte anashkaluar.
Lusha sapo pa policinë tentoi të fshihej në një dollap pranë kuzhinës së pasme dhe policia i sekuestroi telefonin. Atij iu kërkua PIN-i, por refuzoi ta tregonte. Gjithashtu në pronë kishte një numër kartash identiteti në emra të ndryshëm nga të pandehurit, si dhe faturat e shërbimeve komunale dhe faturat e taksave të këshillit drejtuar një sërë emrash të ndryshëm, sipas ëales Online.
Në intervistën e tij në polici, i pandehuri 20-vjeçar tha se kishte qenë në Francë në janar 2023 kur një “shqiptar i panjohur” e kontaktoi duke i ofruar të paguante transportin e tij në MB. Ai tha se hyri në Mbretërinë e Bashkuar në pjesën e pasme të një kamioni dhe më pas, ndërsa punonte në ndërtim, i njëjti shqiptar i tha se i kishte borxh 18,000 £ për këtë kalim nëpër Kanal. Egzoni deklaroi se iu dha një adresë në Swansea dhe iu tha të hipte në një tren dhe më pas të shkonte në pronë ku do të gjente derën e pasme të hapur. Lusha pranoi se kishte një telefon, akses në mediat sociale dhe se çelësat e dyerve të përparme dhe të pasme të shtëpisë Hafod ishin në bravë, por ai tha se ishte shumë i frikësuar për t’u larguar dhe nuk dinte si të thërriste policinë.
Egzon Lusha nuk ka asnjë dënim të mëparshëm ndërsa avokatja mbrojtëse Caitlin Brazel, tha se i ai kishte qenë vetëm 19 vjeç kur u soll në MB dhe kishte mungesë pjekurie nga ana e tij në përfshirjen e prodhimit të kanabisit. Ajo shtoi se i pandehuri e kishte shfrytëzuar kohën e tij në paraburgim në mënyrë konstruktive.
Gjykatësi tha se dënimi që Lusha meriton është 15 muaj në paraburgim, por atij do i reduktohet deri në nëntë muaj për shkak të moshës së Lushës dhe mungesës së dënimeve të mëparshme. Më pas mund të aplikonte një të tretën zbritje për pranimin e tij të fajësisë që rezultonte me një dënim prej gjashtë muajsh paraburgim në një institucion për të rinjtë.
