FUSHË-KRUJË– 42-vjeçarja Leta K., dyshohet se ka vrarë foshnjën e saj pasi e ka lindur në banesë në fshatin Tapizë, të Fushë-Krujës. Dyshohet se ajo e futi foshnjën në qesen e plehrave dhe e hodhi në lumin e Tapizës. Ngjarja u zbulua vetëm pasi ajo shkoi të merrte ndihmë mjekësore në spital në gjendje jo të mirë shëndetësore ku rezultoi se ajo ka kryer një lindje. 42-vjeçarja nuk ka pranuar që të flasë para policisë për arsyet që e shtynë të ndërmarrë këtë akt.
Bashkëshorti i saj në polici ka dëshmuar se nuk e dinte se e kishte gruan shtatzënë. Por policia e ka marrë me dyshime dëshminë e tij dhe për të po bëhen verifikime. Ndërkohë, 42-vjeçarja aktualisht ndodhet në masë arresti në një spital në Tiranë. Nëna e 3 vajzave dhe 2 djemve ku më i madhi 20-vjeç, ka dëshmuar momentet e para për efektivët se ka pretenduar se foshnja kishte lindur e pa jetë.
