Është vënë në pranga drejtuesi i mjetit tip BMw, I cili u përfshi mbrëmjen e së premtes në aksidentin tragjik të ndodhur në aksin rrugor Tepelenë-Memaliaj, ku për pasojë humbën jetën 4 persona.
Zyrtarisht nga policia thuhet se në vijim të veprimeve procedurale për aksidentin në fjalë kanë vënë në pranga 46 vjecarin për veprën penale “Shkelja e rregullave të qarkullimit rrugor”.
Tre anëtarë të një familjeje nga Memaliaj dhe një person i katërt humbën jetën në një ngjarje tragjike mbrëmjen e së djelës në aksin Tepelenë Memaliaj.
42 vjecari Riza Rapaj, në drejtimin e një bezni që dyshohet se levizte me shpejtësi të lartë ka bërë një manovër të gabuar dhe është përplasur me një mjet të drejtuar nga Lavdosh Begaj 62 vjec. Nga goditja e fortë të dy drejtuesit e mjeteve kanë humbur jetën. Po ashtu viktima mbetën dhe dy pasagjerë, Lefteri Bega, bashkëshortja e Lavdoshit dhe nëna e tij 85 vjecare, Aferdita Bega.
Njoftimi i policisë:
-Në vijim të veprimeve procedurale për aksidentin e ndodhur pasditen e djeshme, në aksin rrugor Tepelenë-Memaliaj, si pasojë e të cilit humbën jetën 4 shtetas dhe u dëmtuan rëndë 2 të tjerë, specialistët për Trafikun Urban dhe Interurban arrestuan në flagrancë drejtuesin e automjetit tip “BMW” të përfshirë në këtë aksident, shtetasin E. P., 46 vjeç, banues në Gjirokastër, për veprën penale “Shkelja e rregullave të qarkullimit rrugor”.
