Teksa kriminaliteti në vend mbetet ende në nivele të larta, shefat e Policisë duket se gjejnë kohë edhe të organizojnë festa, duke u argëtuar në mënyra nga më të ndryshmet.
Në një festë të organizuar së fundmi, veç pranisë së këngëtarëve, kupola drejtuese e Policisë së Shtetit shihet duke u harbuar dhe me balerina.
Siç shihet në videon e publikuar nga JOQ, vajzat janë me veshje provokative, të maskuara dhe tundin belin nën tingujt e muzikës për të argëtuar shefat e Policisë së Shtetit. Pamjet janë të ngjashme me ato të një klubi striptizmi.
Kupola drejtuese e Policisë ka hequr uniformën dhe harbohen me balerinat, teksa ka dhe nga ata që nuk ngurojnë ta filmojnë momentin, për ta shijuar dhe herë të tjera kërcimin provokativ të balerinave. Vlen të theksohet fakti se në tavolinat e efektivëve drejtues të Policisë nuk mungon as alkooli, ku urojmë që të mos e kenë tepruar me pijen.
Në video dallohet Drejtori i Policisë së Tiranës, Tonin Vocaj, apo edhe shefa të tjerë, në nivele më të ulëta si Andi Deda, Arben Eshja apo Islam Fucia. I pranishëm në festë ka qenë edhe Drejtori i Përgjithshëm i Policisë së Shtetit, Muhamet Rrumbullaku.
