17-vjeçari që pranoi se vrau shqiptarin Bledar Dedja është përballur 3 orë ballë për ballë me prokurorin, Giovanni Parolin që po e merrte në pyetje në ambientet burgun e Trevisos. “Perdja” e misterit ka rënë dhe hetuesit duket se po zbulojnë rrethanat e vërteta të krimit. Sipas mediave italiane, raportohet se 39-vjeçari e kishte shantazhuar adoleshentin që ta takonte rregullisht pasi ishin prezantuar me njëri-tjetrin përmes një aplikacioni të krijuar për takime mes homoseksualëve.
Djali, i cili ka një familje të cilësuar nga hetuesit si “normale”, ishte takuar me Bledarin rreth një vit më parë, kur edhe ishte marrë në punë në picerinë ku punonte shqiptari. Një marrëdhënie e veçantë do të kishte lindur mes të dyve, duke përfshirë “lojërat mes të rriturve”, të cilat 17-vjeçari kishte dashur t’i ndërpriste. Kështu ai i kishte kërkuar Dedjës që t’i jepte fund historisë që kishin nisur, por burri e refuzoi duke e shantazhuar se do ia tregonte të gjitha familjes së tij. I riu, i vendosur në presion, gjeti zgjidhjen më tragjike.
Fillimisht e thirri për takim në pyll dhe atje e vrau. Të dy u takuan në sheshin në Paderno dhe në makinën e kopshtarit shqiptar, u zhvendosën në Via Colli, ku supozohej të kryenin marrëdhënie seksuale. Këtu, pasi Bledarit hoqi pantallonat dhe të brendshmet, ndërsa 17-vjeçari i dha goditjet vdekjeprurëse pas shpine që i kushtuan jetën. Për të mësuar më shumë lidhur me shantazhin që shkaktonte shqiptari mbi të riun, hetuesit kanë në dorë aplikacionin “Grindr” ku të dy u njohën dhe kanë nisur zbardhjen e bisedave. Hipoteza e rrjetit të prostitucionit të fëmijëve për momentin ka rënë, pasi duket se e gjitha është një krim pasioni.
Trupi i pajetë i Dedjës u gjet nga një mik i tij, i shtrirë në një pellg gjaku të shkaktuar nga plaga me thikë që i ishte shkaktuar në shpinë dhe që i kishte shpuar mushkëritë. Plagët e tjera ishin kryesisht sipërfaqësore: në tëmthin e djathtë, në krahun e majtë dhe në dorën e djathtë me të cilën kishte arritur të kapte tehun që po e masakronte. Plagë të shumta ka pasur edhe në gjoks. Pas vrasjes në fund të janarit, familja doli publikisht dhe kërkoi zbardhjen e vrasjes, por e shoqja nuk u prononcua kurrë. Ajo dyshonte aq shumë për jetën e fshehtë të Bledarit, saqë dy vite më parë punësoi një hetues privat për të zbuluar të vërtetën.
