Një vajzë 7-vjeçare humbi jetën pas fundosjes së një varke me 16 emigrantë në veri të Francës.
Sipas autoriteteve vendase varka nuk kishte përmasat për të mbajtur kaq shumë persona dhe me shumë mundësi ishte vjedhur.
Qëllimi ishte të mbërrinin në Angli duke kaluar nga Franca.
Zyrtarët lokalë thanë se në bord ishte dhe një familje.
Vajza e cila mbeti viktimë ishte duke udhëtuar me tre vëllezërit e motrat e saj, nënën shtatzënë dhe babanë, ndërsa anëtarët e mbijetuar të familjes u dërguan në spital në Dunkirk aty pranë.
