Partia Demokratike do të dorëzojë mesditën e sotme ankimimin në Gjykatën Kushtetuese për ligjin e tatimit me 23% për profesionet e lira.
“Sot ne oren 12:30, anëtarët e Komisionit të Ekonomëse, në emër të Grupit Parlamentar të PD dorëzojnë ankimimin në Gjykatën Kushtetuese, për ligjin e tatimit 23% për profesionet e lira”, thuhet në reagim.
Sakaq, një ditë më parë kreu i grupit parlamentar të PD, Gazment Bardhi, njoftoi për hapin në fjalë të demokratëve. Ai u shpreh se, qeveria favorizon oligarkët duke i taksuar 4 herë më pak se qytetarët e tjerë.
“Oligarkët kanë taksa më të ulëta sesa profesionet e lira. Nesër përfaqësues të grupit parlamentar do të dorëzojnë në GJK kërkesën”, tha ai.
