Besnik Halili, president i grupit Sol në Shqipëri, është një biznesmen me të shkuar të errët që në gjenez ka lidhjet e tij me mafian italiane. I përfolur shumë për tendera korruptiv, sëfundi thuhet se Besnik Halili zotëron edhe disa Hece që fshihen në emra të personave të tjerë. Lidhje e forta politike me ministra dhe ish-ministra të Edi Ramës, e kanë ktyer Besnik Halilin në biznesmenin që fut në xhep miliona euro nga taksat e shqiptarëve dhe nga aferat korruptive me tenderat siç është rasti i “OKSIGJENIT’’.
Kompania që marr tenderat korruptiv në vendin tonë njihet me emrin “GTS-Gazra Teknike Shqiptare” shpk”, dyshohet se ishte garancia e Princit të Ndragheta-s, Antonio Gallo për të korruptuar qeveritarë dhe po ashtu, për të pastruar para në Shqipëri. Në përgjimet e publikuar dy vite më parë ata flasin për “Nikun”, që sipas Gallos është presidenti i grupit Sol, “ka lidhje me oksigjenin, ka lidhje me spitalet, me Enel, me të gjitha”. Sipas Gallos, ky person që në Shqipëri përkon me emrin Besnik Halilit, me profesion inxhinier, njëherazi edhe bashkëshort i Luneda Sufalit, ish-drejtoreshës së Lojërave të Fatit. Por burime nga SPAK i thanë portalit Timoni.al se po bëhet gati arrestimi i biznesmenit Besnik Halili. Lidhue me këtë aferë ka dhënë shpjegime në SPAK dhe ish-ministria e shëndetësisë, Ogerta Manastirliu.
Por a është i panjohur Besnik Halili?
Rezulton që jo! Në një verifikim elementar, Halili ka qenë në qendër të disa investigimeve në mediat online, në një shkrim të muajit maj, shkruante se Halili me kompaninë “Gts”, kishte në dorë të gjithë oksigjenin e spitaleve. Monopoli i oksigjenit në duart e Halilit, të shoqes dhe Manastirliut, akuzonte portali në shkrimin e datës 7 maj 2020. Ky informacion duket se është lexuar edhe nga anëtarët e Ndragheta-s, i referohen “Nikut” si emrin kryesor të oksigjenit. “Ai është shqiptar, është President i këtij grupi atje në Shqipëri.”, thotë Gallo ndërsa më tej flet për disa impiante, të cilat nuk kuptohen nëse lidhen me oksigjenin, por ai thotë se mund të punohet “dhe në spitale”, (duke iu referuar investimeve në Shqipëri).
Por çfarë gjeti investigimi?
Rezulton se, që prej vitit 2016, kompania “GTS” është fituese thuajse në pjesën më të madhe të tenderave. Por, deri në atë moment, ka pasur një veçori-në tenderat e fituar prej saj, ka pasur edhe konkurentë të tjerë.
Duke filluar nga fundi i vitit 2017, që rastësisht përkon edhe me forcimin e raporteve institucionale Ogerta Manastirliu – Luneda Sufali, “GTS” merr trajtën e një kompanie “monopol”. Në të gjithë tenderat e zhvilluar nga Ministria e Shëndetësisë dhe strukturat vartëse, përfshirë Qendrën Spitalore Universitare Tiranë, për oksigjenin spitalor, fitues shpallet vetëm “GTS” ose e njëjta kompani, në bashkëpunim me “Messer” shpk.
Ky bashkim operatorësh u shpall së fundmi edhe fitues i një tenderi, pa garë, me vlerë 5 milionë euro, për furnizimin e QSUT-së me oksigjen spitalor. I njëjti bashkim operatorësh, në periudhën 2016-2020, është shpallur fitues edhe në një seri tenderash spitalorë, me fond limit në vlerë totale rreth 4 milionë euro.
Kompania “GTS”, për tenderat ku ka marrë pjesë si operator i vetëm, ka fituar rreth 3 milionë euro të tjera tendera në strukturat spitalore, përgjatë periudhës 2016-2020.
Njihuni me Besnik Halilin, oligarkun më të pasur të Shëndetësisë!
Pa frikë mund të thuhet se Nik Halili është oligarku më i pasur i Shëndetësisë. Kjo për faktin sepse ai me kompaninë e tij GTS ka përthithur në mënyrë të monopolizuar të gjithë tenderat me objekt oksigjenin e lëngshëm nga të gjitha institucionet shtetërorë nën varësinë e Ministrisë së Shëndetësisë, që nga koha e pandemisë e në vazhdim. Në këtë artikull do të trajtohet rasti i marrjes nga Buxheti i Shtetit të 77 Milion Lekëve brenda një jave në shkelje me ligjin.
Ai u bë i njohur për publikun pas publikimeve të përgjimeve të Ndranghettas dhe që atëherë si për fat në vend të shkonte pas hekurave, u bë oligarku më i pasur i Shëndetësisë me një vlerë procedurash të prokurimeve publike 24 Miliard Lekë pa TVSH vetëm me kompaninë e tij GTS, por që thuhet se nuk është e vetmja pasi me qëllimin për të hequr idenë e monopolizimit, MESSER Albagaz është një prej përfitueseve të tenderave të njëjtë, që nga burime për JOQ deklarojnë se është po ashtu në zotërim të Halilit.
Rezulton se brenda një jave, Halilit i janë dhënë dy tendera në shkelje, të shënuar me REDFLAGS për “Mungesë Konkurrence”, për faktin sepse i ka përfituar në shkelje me ligjin duke garuar me veten me asnjë konkurrent tjetër në garë. Tenderi i parë me vlerë pothuajse sa vlera e Fondi Limit 35 Milion, i është dhënë nga Spitali Universitar Obstetrik-Gjinekologjik “Koco Gliozheni” Tiranë më 21 Qershor 2021, ndërsa pas 7 ditësh, më datë 28 Qershor 2021 i është dhënë një tender me 100% të Fondit Limit nga Drejtoria e Spitalit Rajonal Gjirokastër me vlerë 51 Milion Lekë.
Nëse SPAK kërkon material për të hetuar, Besnik Halili është rasti i parë konkret, megjithëse punë ka, por s’ka profesionistë.
