Partia Socialiste ka tërhequr nga seanca e sotme në Kuvend projektligjin për Amnistinë Penale. Ishte kryetari i grupit parlamentar të PS, Bledi Çuçi i cili konfirmoi tërheqjen e këtij projektligji për votim në seancën e sotme.
Ligji për Amnistinë Penale kërkon 84 vota në Kuvend, ndërsa ditën e djeshme kryetari i PD-së, Lulzim Basha pohoi se deputetët e grupit të tij nuk do të ishin të pranishëm në seancën e sotme nëse nuk do të merreshin parasysh në këtë çështje dhe amendamentet e tyre.
