Shkroi: Soni Salihi
Klubi i Bayern Munchen ka njoftuar ditën e sotme se trajneri aktual i ekipit, Thomas Tuchel do të largohet në fundin e ketij sezoni futbollistik. Siç u raportua edhe më parë nga Sky Germani, një takim midis drejtuesve të klubit bavarez dhe trajnerit gjerman u zhvillua sot dhe përfundoj me arritjen e marrëveshjes midis të dyja palëve për shkarkimin e Tuchel por me një kusht, që 50-vjeçari të vazhdoj të jëtë në drejtimin e skuadrës deri në fundin e këtij sezoni.
“Në një diskutim të hapur, ne arritëm në vendimin për t’i dhënë fund marrëdhënies sonë të punës me marrëveshje të ndërsjellë në verë,” tha CEO Jan-Christian Dreesen.
“Qëllimi ynë është të ndjekim një projekt të ri futbolli me një trajner të ri për sezonin 2024/25. Deri atëherë, çdo individi të klubit i kërkohet të arrijë maksimumin e mundshëm në Champions League dhe Bundesliga. Në Ligën e Kampionëve në veçanti, pasi humbëm 1-0 në ndeshjen e parë në Lazio, ne jemi të bindur se do të arrijmë në çerekfinale në një Allianz Arena të mbushur plot me tifozët tanë pas nesh.”
Në Bundesligë, kampionët në fuqi janë në vendin e dytë, tetë pikë prapa liderit Bayer Leverkusen dhe në Champions League duhet të përmbysin humbjen 1-0 ndaj Lazios në Romë për t’u kualifikuar në çerekfinale. Bavarezët tashmë janë eliminuar nga Kupa e Gjermanisë, ku humbën nga një ekip i nivelit të tretë.
Pas një gjysmë mediokër të sezonit, klubi hyri me të vërtetë në një krizë pas humbjes 3-0 ndaj Leverkusenit të Xabi Alonso më 10 shkurt, gjë që zemëroi tifozët dhe lojtarët duke detyruar drejtuesit e klubit që të shkarkojnë trajnerin Thomas Tuchel.
