Beshiktashi është rikthyer te fitorja në kampionat duke mundur me rezultatin 2-0 Koniasporin në shtëpi, në një sfidë që u aktivizuan 4 futbollistë shqiptarë, Muçi dhe Rashica për vendasit, e Çikalleshi dhe Et’hemi për miqtë.
Në fakt ishte ekipi nga Stambolli që dominoi sfidën, duke gjetur golin e parë me Kiliçsoj në minutën e 49’, pas një harkimi në zonë nga ana e Milot Rashicës.
GOLI I PARË – VIDEO
Goli i dytë do të gjente si protagonist Ernest Muçin. Sulmuesi i Kombëtares shqiptare lëshoi një gjuajtje në minutën e 71’, që u ndal një moment nga portieri, me topin që u shty më pas në rrjetë nga Çenk Tosun.
GOLI I DYTË – VIDEO
