Në kuadër të operacionit të “Lomas”, agjentët e Gardës Civile në Spanjë, kanë goditur një grup kriminal shqiptar që merrej me kultivimin e marijuanës.
Hetimi filloi në vitin 2023 kur agjentët morën dijeni për ekzistencën e një grupi me origjinë shqiptare që kultivonin marijuanë brenda një ferme të madhe.
Pas hetimeve të kryera, ata konfirmuan ekzistencën e një plantacioni të vendosur në dy banesa të ndryshme brenda së njëjtës pronë, duke zbuluar 795 bimë të mëdha, si dhe rreth 4.7 kilogramë sytha të së njëjtës lëndë, të paketuara me vakum dhe gati për shitje.
Në plantacion ishte investuar një shifër e madhe parash, ku vetëm llambat e përdorura për bimët vlerësohen në rreth 20 mijë euro.
Dy shtetas shqiptarë janë arrestuar, ndërsa më pas është arrestuar dhe një person i tretë i cili rezulton me origjinë çeke.
Konkretisht, ata janë arrestuar për veprat penale të anëtarësimit në organizatë kriminale, trafik droge dhe mashtrim me energjinë elektrike.
