Një 55-vjeçar shqiptar ka humbur jetën në Itali. Edison Malaj u godit në kokë nga një pllakë betoni, duke gjetur vdekjen e menjëhershme, shkruan Corriere Della Sera. Kolegët e punës nuk mundën të bënin asgjë për të shmangur tragjedinë.
Malaj po ngarkonte disa panele çimentoje në një kamion në sheshin e ish-kantinës sociale, ku po punohet për rinovimin. Njëri prej kabllove u shkëput duke bërë që pllaka e betonit të bjerë dhe goditi punëtorin shqiptar.
