Kryetari i Bashkisë Mat, gardisti i 21 Janarit, Agron Malaj, që shtiu me pushkë kundër socialistëve, ka lëshuar dorën tek tenderat e bashkisë që drejton prej dy mandatesh.
Agron Malaj ka qenë komandant seksioni i Njësisë Speciale të Gardës së Republikës në protestën e 21 Janarit. Ai ishte një ndër 10 oficerët e shkarkuar nga ish-ministri i Brendshëm, Saimir Tahiri, ku sapo ky i fundit mori detyrën. 10 oficerët ishin pjesëtarë të “grupit të zjarrit”, të cilët qëlluan mbi protestuesit në tubimin ku mbetën katër qytetarë të vrarë.
Pasi u largua në vitin 2013 nga Garda ai nisi karrierë politike, pasi u bë pjesë e Partisë Socialiste. Më vonë ai u emërua kryetar i Partisë Socialiste për Matin dhe në të njëjtën kohë mori edhe detyrën e drejtorit të OSHEE-së për këtë rreth. Në fushatën e zgjedhjeve lokale të 23 qershorit 2015 ai doli në krah të kryeministrit Edi Rama për të kërkuar votat për kandidaten socialiste. Tashmë ai mban detyrën si kryebashkiak i Matit. Prej dy mandatesh.
Thirrja e kryeministrit Edi Rama për të mos lejuar tendera me kritere të qepura me porosi, nuk ka zënë vend në Bashkinë e Matit. Ne faqën e APP ky tender del me flamur të kuq dhe rezulton është dhënë në mungesë të konkurencës.
Agron Malaj i ka dhënë pa garë tendering e furnizimit me karburant tenderin me vlerë 98 milion lek kompanisë “Ruçi” siç mund ta shihni nw foton zyrtare më poshtë ku janë të publikuara me fakte të gjitha të dhënat e tenderit në fjalë.
Shiko foton:
Marrëveshje Kuadër – me një operator ekonomik, ku të gjitha kushtet janë të përcaktuara – me afat 24 muaj.
3. Numri i referencës së procedurës: REF-93740-01-24-2024
4. Objekti i kontratës/ Marrëveshjes Kuadër: “Blerje Karburant (Naftë dhe Benzinë pa plumb)”
5. Kodi sipas Fjalorit të Përbashkët të Prokurimit (FPP): 09132000-3 – Benzinë; 09134000-7 – Naftë
6. Fondi limit i marrëveshjes Kuadër në vlerën: 9 864 250 (nëntë milion e tetëqind e gjashtëdhjetë e katër mijë e dyqind e pesëdhjetë) lekë pa TVSH, nga grandi i bashkisë, ndarë për vitin 2024 në vlerën: 4 932 125 (katër milion e nëntëqind e tridhjetë e dy mijë e njëqind e njëzet e pesë) lekë pa TVSH, ndërsa për vitin 2025 në vlerën: 4 932 125 (katër milion e nëntëqind e tridhjetë e dy mijë e njëqind e njëzet e pesë) lekë pa TVSH:
7. Kohëzgjatja e kontratës/ marrëveshjes kuadër ose afati për zbatimin e saj: 24 (njëzet e katër) muaj.
Agron Malaj lakuar disa herë në mëdia për dhënie tenderash të dyshimtë qëe mbajnë aromë korrupsioni.
Burime për portalin Timoni.al bëjnë me dije Agron Malaj është në heti nga SPAK për shpërdorim detyre dhe shkelje të barazisë në tendera.
